秋季旅行之西九文化區公園

秋風送爽,想親親大自然,又唔想行山咁操勞,可以考慮下西九文化區。最近因爲參加樹木導賞去左個度。無去好耐,變左好多,個時邊有苗圃公園?係靠海邊你會見到好大個招牌寫呢度係WEST KOWLOON。而家入口位係西隧旁邊。想知點去可以click 入下圖,瀏覽資料。

westkowloon map

 

話說囘頭,西九同時舉行“自由約”活動,有好多手工藝攤檔擺賣,有懷舊手作坊,不過店主好守規矩,話兩點先開始。每個月第二個星期六,日都有“自由約”,但每次主題都唔同,不失爲一個假日活動。

▲用木條做架,橡根推動螺旋槳嘅模型飛機,係香港好難搵,竟然係免費手作坊見到。

開揚維港景觀係殺食,不過開揚地方曬起來就不太適合城市人。而加有秋風去先最好,大片草地就相對少啲樹,但附近會有頂帳篷,海濱旁就有太陽傘長檯,去野餐一流。

苗圃有好多樹,不過都係圍好泥膽嘅幼樹,香港對樹木日益關注,不妨上網報名參加苗圃公園樹木導賞及工作坊增進樹木知識。苗圃分四區,想睇本地本種如楓香,木油樹可到林地區;海濱樹種如欖仁樹,假蘋婆可到海濱區;觀景樹如法國梧桐,黃花風鈴木,花葉欖仁可到城市森林區;果樹如火龍果,楊桃就可到果園區。不過最有趣係導賞義工指指草地,原來有野生嘅害羞草!對上一次見害羞草已經係盆栽植物。導賞妹妹話野生害羞草嘅花係紫色帶小刺,盆栽害羞草係白色無刺。

TREETOURANDWORKSHOP▲導賞義工都係讀園境嘅學生,同佢地傾計,你會感受咩叫passion!

唔係參加導賞都唔會醒起呢個城市中的綠洲,如果唔想行,而加仲有單車借,$20/小時,入口就見到。最後做好防曬,放蚊,拜!

 

資料來源:西九文化區

We will be happy to hear your thoughts

Leave a reply

Agoodeal HK